Allah swt humein humesha aik choice dete hein, ke humne kaise sochna hei aur uss soch ko samne rakhte hue kya qadam uthaane hein.

Maghrib mein ziada tar zindagi ka hissa guzaarte hue ye baat to samajh aati hei ke humare paas wasaail kafi ziada hein, kaam ke hawale se, aur baqi cheezein. Lekin, jahan pe muamla yahan tak pohanch jaye ke aapko apne bache aur apni family ke lie mustaqbal mein mushkilaat hi nazar aarahi hon to wahan pe insaan sochne pe majboor ho jata hei.

Meri baat karne ka maqsad hei ye jo fitna har taraf phailta chala ja raha hei, jahan pe behayai to pehle thi hi, par apne hi log jahan aisi gandgi ko promote karte hein. Mard mard, aurat aurat ke rishte ko human rights ka naam de kar, in cheezon ko schools aur bacho ke nursery tak mein aik topic bana ke pohancha dena aur koi ihtijaaj na karna aik bohat hi ghalt baat hei.

Mein ye nahi keh raha ke logon ko right nahi hona chahie ke wo kya karein, lekin wo rights sirf westerners ke lie hi nahi balqe unke lie bhi hone chahie jo khud ko muslim kehte hein aur kuch baaton ko change nahi karna chahte, jaisa ke wo symbols jo unki shahsiat ka hissa hein.

Ab France ko hi dekh lein, kahan se shuruat hui unki aur ab kahan pohanch gaye. Ek ek kar ke sare rights muslims ke lete chale ja rahe hein, freedom de rahe hein apni taraf se, freedom ko cheen kar.

Ye halaat doosre european mumaliq mein bhi honge, ye to samne nazar araha hei, par kab honge, ke Allah hi janta hei.